Heier war`s wieda soweit,

mia ham uns wieda alle drauf gfreid.

So a Hüttenausflug ghead alle Jahr nei,

deswegen war`n de Musiker a zahlreich dabei.

Nach Vorarlberg san mia gfahrn,

obwoi mia do no gar nia war`n.

Genauer gsagt nach Tschagguns,

im Nachhinein kima song do gfoid`s uns.

De „leichte Bergwanderung“ war wieda ganz sche gach,

mir ham uns alle tapfer gschlagn, aber des letzte Stück war sauba zach.

De Strapazen waren`s wirklich wert,

a ganz besonderer Ausblick wurde uns beschert.

So weit oben war ma, an Schnee hom mia scho gseng,

aber bei so oana Hitz, do hod ma gar nix dageng.

Oans g`hört no bsonders erwähnt,

de Küch war wieda exzellent.

Zu an gelungenen Abend g`hört a Lagerfeuer,

aber de Holzsuche gestaltete sich zum Abendteuer.

Am Sonntag hat`s wieda ghoas`n Abschied nehma,

aber mia wer`n sicher amoi wieda kemma.

Der Ausflug wär scho recht fad,

wenn uns de Gemeinde ned so unterstützen dad.

Deswegen is a großer Dank angebracht,

weil uns des ganze jedes Jahr wieda Spaß gemacht!

Die Mädels der Kapelle

Hier geht's zu den Fotos.